Die Lions het eergisteraand op Nuweland in Kaapstad die eerste proeseltjie van 2012 se tawwe Superrugby-seisoen gekry toe die Stormers hulle in hulle eerste oefengame sommer kwaai laat les opsê het.

Dit is maklik om te sê mens kan nie sommer enigiets uit oefengames lees nie, maar as dit die geval was, was daar seker nie ’n rede om dié games te jol nie.

Selfs die score maak saak, want die Stormers het drie drieë teenoor nul gedruk om met 28-6 te wen. 

Dit kan beteken die Curriebeker-champs sal harder moet werk om geleenthede te skep om drieë te druk. Of dat die Stormers se verdediging eksieperfeksie is, te danke aan die Kapenaars se verdedigings-coach, Jacques Nienaber, wat ook die Bokke in die World Cup gehelp het.

Behalwe die moewiese têkkels wat hulle ingesit het, was dit ook ’n geval dat die Stormers met vlymskerp aanvalle al hulle kanse gebruik het. Veral die agterste driehoek, Gio Aplon, Gerhard van der Heever (hulle aanwins van die Bulls) en Joe Pietersen, wat terug uit Frankryk is, was uiters skerp.

En hoewel albei franchises sterk teams op die veld gestuur het, is dit vir seker nie dieselfde spanne wat oor minder as ’n maand in die eerste Superrugby-games gaan opdraf nie.