Die Suid-Afrikaanse Rugbyunie (Saru) het ’n lat vir sy eie gat gepluk toe hy besluit het dis ’n uitgemaakte saak dat die Southern Kings volgende jaar in die Superreeks moet speel.

Die unies wat tóé ja en amen vir dié besluit gesê het, kan hulle nou lekker in die pekel bevind, want dis dalk een van hulle wie se span ’n skop onder die jack in dié reeks gaan kry.

Saru het in die week weer met die voorstel na Sanzar gegaan dat hy dit moet oorweeg om ’n sesde Suid-Afrikaanse span in volgende jaar se reeks toe te laat.

Die uitvoerende hoof van Sanzar, die Australiër Greg Peters, het klaar laat weet die kanse is minder as nul dat dit sal gebeur.

Sanzar het kontrakte met verskeie uitsaaiers en borge vir die huidige formaat onderteken en dis tot aan die einde van 2015 geldig. Dié kontrak beloop amper R3.4 miljard.

Volledige berig in die koerant.