Die sexy vampiere van Mystic Falls is terug vir ’n derde seisoen van Vampire Diaries. Dié reeks, wat losweg op LJ Smith se boeke gebaseer is, het al ’n soort kultusstatus bereik.

Moet egter nie na die boeke gryp nie, die reeks is baie beter!

Die vampierbroers Stefan (Paul Wesley) en Damon (Ian Somerhalder) is altwee verlief op die meisie Elena (Nina Dobrev), wat die ewe-beeld van hulle voormalige vampier-lover, Katherine, is.

Die sloerie Katherine het altwee die broers in die 1800’s verlei, maar haar hart net op een verloor (raai wie?).

Alhoewel Elena tot die dood toe verlief is op Stefan, is Damon gedurig in haar agterkop.