As donker en creepy jou smaak is, is die Golden Globe-benoemde reeks American Horror Story net vir jou!

Die reeks het in Desember op DStv begin, en jy kan jouself maar regmaak vir ’n storie wat jou nekhare sal laat rys. Die Harmon-gesin trek by ’n ou mansion in Los Angeles wat besig is om gerestoureer te word, in.

Ben (Dylan McDermott), sy vrou Vivien (Connie Britton) en hul dogter Violet (Taissa Farmiga) is egter salig onbewus daarvan dat hulle hul nuwe huis met die spoke van die vorige eienaars deel.

Een van die spoke is Moira, ’n huishulp wat beeldskoon lyk vir mans, maar afskuwelik vir vroue. Op dié stadium weet jy presies waarop die reeks gaan afstuur: ’n Gehoer en rumoer tot in die hiernamaals!

Maar die familie het spoke van hul eie!

Vivien herstel van ’n miskraam en Ben, ’n sielkundige, het ’n skelmpie naamlik Hayden (Kate Mara), een van sy pasiënte.
Terwyl die paartjie hul verhouding probeer red, ly Violet aan depressie en raak bevriend met die sielsiek Tate.

Volledige berig in die koerant.