’N HENGSE liefdes- poespas is besig om twee families in Primrose naby Germiston uitmekaar te skeur.

Andries Slabbert (47) en sy vroutjie Maria is na 24 jaar se stry en baklei uitmekaar.

Hy reken dit kom al ’n lang pad, maar hy pak die skuld op ’n sekere gewese Pinkster-jeugleier en buurman, Jan Gordon, wat ’n vinger in die paai gehad het.

Andries het sy hart teenoor Sondag uitgestort. 

Hy vertel: “Die kak het al voor die troue begin toe sy saam met ’n ander man weggehardloop het vir ’n naweek. 

“Ek het haar teruggevat en ons is toe getroud, maar dit het nie baie lank goed gegaan nie. 

“Sy het selfs ’n lesbiese verhouding met ’n familielid van my aan die gang gehad!”

Ses jaar gelede het dinge glo weer begin goed gaan, maar Andries se kerklike buurman het sy grootste nagmerrie geword.

Jan het glo langer as ’n jaar terug begin om gereeld sy eie vroutjie koud in die bed te los en “soos ’n rek oor die muur gespring” om te kom aartappelstamp by die Slabberts wanneer Andries nagskof gewerk het.

Andries vertel dat hy selfs eendag van Jan se onnas onder die bed en in die badkamer gekry het.

“Ek het dit probeer aantrek want ek het gedog dis myne, maar dit was te klein.