As daar nou een mens is waarvoor almal respek het, is dit onse eie Madiba. Maar sy kleinseun is besig om die Mandela-naam behoorlik deur sy gigolo-alie te trek.

Mandla Mandela reken hy is Suid-Afrika se eie Brad Pitt wat die meisies inryg soos ’n string Afrika-kraletjies.

Sy eerste vrou, Tando, het hom nou al meer as een keer hof toe gesleep omdat hy nie onderhoud betaal nie. Terwyl hy met haar getroud is, het hy sommer nog twee keer sy luck by die kansel probeer.

Sy onwettige huwelik met ’n Franse vrou is sommer tjop-tjop geskrap.

Verlede Desember het hy almal egter vinnig geflous en met sy nuutste floozie, Mbalenhle Makhathini, gaan staan en trou. Die voorvaders alleen weet hoe hy dit reggekry het.

Die Casanova gaan nog sy oupa na ’n hartaanval dryf!